YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Azərbaycanın bərpa olunan elektrik enerjisi istehsalı ilə bağlı nəhəng potensialı var

Kamilə Əliyeva

Milli Məclisin deputatı, professor

Birləşmiş Ərəb Əmirlikləri Azərbaycanın müstəqilliyini tanıyan ilk dövlətlərdən olub. Ermənistan Azərbaycan torpaqlarını işğal altında saxlayan zaman, Vətən müharibəsində, eləcə də postmüharubə dövründə Birləşmiş Ərəb Əmirlikləri hər zaman Azərbaycanın ərazi bütövlüyünü və suverenliyini dəstəkləyib, Ermənistanın hərəkətlərini pisləyən bəyanatlarla çıxış edib.

Birləşmiş Ərəb Əmirliklərinə məxsus və dünyanın ən böyük şirkətlərindən olan Masdar şirkəti Qaradağ rayonu ərazisində bərpa olunan elektrik enerjisi istehsal edən stansiya inşa edir.

Prezident İlham Əliyev 16 yanvar tarixində Birləşmiş Ərəb Əmirliklərinin paytaxtı Əbu - Dabidə Dayanıqlıq Həftəsinin rəsmi açılış mərasimində çıxış edərək Azərbaycanın Avropanın enerji təhlükəsizliyindəki rolundan, ölkəmizdə bərpa olunan elektrik enerji istehsalında həyata keçirdiyi layihələrdən Azərbaycanla Birləşmiş Ərəb Əmirlikləri arasında mövcud münasibətlər haqqında məlumat verdi.

Azərbaycan dövləti ilə BƏƏ arasında münasibətlər strateji əhəmiyyətə malikdir. Ölkəmiz də enerji təminatını tam təmin etməklə bərabər xam neft, neft məhsulları, təbii qaz və elektrik enerjisi ixrac edir. Azərbaycanın bərpa olunan elektrik enerjisi istehsalı ilə bağlı nəhəng potensialı var və bu sahədə böyük layihələr icra olunur.

Artıq iki ildir ki, Azərbaycandan Avropaya uzunluğu 3500 km olan Cənub Qaz Dəhlizi vasitəsilə təbii qazın ixracı həyata keçirilir. Bu boru xətti vasitəsilə Avropaya təbii qazın həcmi hər il artırılır. Bu il Avropaya ixrac ediləcək qazın həcmi 24 milyard kub metrə çatdırılacaq. Bununla da Azərbaycan Avropanın enerji təhlükəsizliyinə böyük töhfə vermiş olacaq.

Xəzər dənizinin Azərbaycan sektorunda və işğaldan azad edilmiş ərazilərdə böyük gücə malik külək və günəş elektrik stansiyalarının inşa edilməsi üçün layihələr həyata keçirilir. Prezident İlham Əliyevin BƏƏ səfəri çərçivəsində Masdar şirkəti ilə Azərbaycan Dövlət  Neft Şirkəti arasında külək və günəş enerji stansiyalarının yaradılmasına dair Saziş imzalanıb.

2022-ci ilin dekabr ayında Azərbaycan, Gürcüstan, Macarıstan, Rumıniya arasında  Azərbaycanda istehsal olunan elektrik enerjisinin Avropaya ixrac edilməsi üçün Qara dənizin dibindən kabel çəkilməsinə dair saziş imzalanıb.