Xəbərlər
Türkiyə Prezidenti Azərbaycana səfərə yola düşüb
Türkiyə Prezidenti Rəcəb Tayyib Ərdoğan oktyabrın 20-də Azərbaycana səfərə yola düşüb.
Bu barədə Türkiyənin “TRT Haber” telekanalı məlumat yayıb.
Bununla bağlı yayımlanan xüsusi reportajda Müzəffər Ali Baş Komandan İlham Əliyevin rəhbərliyi ilə qəhrəman Azərbaycan Ordusunun 44 günlük Vətən müharibəsində qazandığı rəşadətli qələbədən, işğaldan azad edilən torpaqlarımızda aparılan quruculuq işlərindən, həmçinin Türkiyə Prezidentinin ölkəmizə səfərlərinin əhəmiyyətindən bəhs olunub.
Diqqətə çatdırılıb ki, Azərbaycan və Türkiyə liderləri Zəngilan Beynəlxalq Hava Limanının açılışında iştirak edəcəklər.
