Xəbərlər
Şəhidin doğum günündə xatirəsi anılıb
Gədəbəydə Vətən müharibəsi şəhidi olan Hüseynov Rafiz Afiq oğlunun 20-ci doğum günü münasibətilə xatirəsi anılıb.
Yeni Azərbaycan Partiyası (YAP) Gədəbəy rayon təşkilatının, Gədəbəy Rayon İcra Hakimiyyətinin məsul işçiləri, Gədəbəy rayon Cümə məscidinin imamı Rövşən Mustafayev və ictimaiyyət nümayəndələri rayonun Şahdağ kənd qəbiristanlığında şəhidin məzarını ziyarət edib, önünə tər güllər düzüb, ruhuna dualar oxuyublar.
Şəhidin ailəsi göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildirib.
