Xəbərlər
Məğlub ölkənin daha bir fiaskosu
İnsan Hüquqları üzrə Avropa Məhkəməsi Ermənistanın Azərbaycana qarşı vəsatətini rədd edib.
Ali Məhkəmə sədrinin müavini, Azərbaycanın İnsan Hüquqları üzrə Avropa Məhkəməsi yanında səlahiyyətli nümayəndəsi Çingiz Əsgərov avqustun 19-da İnsan Hüquqları üzrə Avropa Məhkəməsinin növbəti dəfə Azərbaycana münasibətdə müvəqqəti təminat tədbirlərinin tətbiqinə dair Ermənistanın vəsatətini rədd etdiyini bildirib.
Bu fakt Azərbaycanın haqlı və ədalətli mövqeyinin hüquq müstəvisində təsdiqlənməsi, eyni zamanda, ölkəmizin siyasi-diplomatik üstünlüyünün daha da güclənməsidir. Əlbəttə, bundan əvvəl də ermənilərin belə iddialarının təmin olunmaması Azərbaycan tərəfinin vaxtında və əsaslandırılmış şəkildə sübut-dəlilləri məhkəməyə təqdim etməsindən qaynaqlanıb.
Bir sözlə, Ermənistan hərbi-siyasi müstəvidə olduğu kimi hüquq platformasında da fiaskoya məhkumdur.