Xəbərlər
Vətən müharibəsi şəhidinin doğum günü münasibətilə məzarı ziyarət olunub
Cəlilabad rayonunda Vətən uğrunda gedən döyüşlərdə torpaqlarımızı işğaldan azad edərək xalqımıza Qələbə sevinci bəxş edən, bu yolda canından, qanından keçən qəhrəman Vətən oğullarından biri olan Musayev Ələkbər Əlövsət oğlunun doğum günü münasibətilə məzarı ziyarət olunub.
Yeni Azərbaycan Partiyası Cəlilabad rayon təşkilatının sədri Mirsüleyman Mirxaslı, partiya fəalları rayonun Fərzili kəndində şəhidin məzarını ziyarət edərək, xatirəsini ehtiramla anıb, məzarı üzərinə gül dəstələri qoyub, ruhuna dualar oxuyublar.
Sonra partiya üzvləri şəhidin ailəsinə baş çəkiblər. Ailə üzvləri ilə söhbət zamanı şəhid Ələkbər Musayevin şərəfli döyüş yolundan danışılıb.
Şəhidin ailə üzvləri onlara göstərilən diqqət və qayğıya görə Prezident İlham Əliyevə və Birinci xanım Mehriban Əliyevaya minnətdarlıqlarını bildiriblər.
