Xəbərlər
Ağstafada şəhid Orxan Babayevin doğum günündə xatirəsi anılıb
Ağstafa rayonunda 44 günlük Vətən müharibəsində fədakarlıq göstərərək şəhidlik zirvəsinə ucalmış Babayev Orxan Sarvan oğlunun doğum günü qeyd olunub.
Bu münasibətlə Yeni Azərbaycan Partiyası Ağstafa rayon təşkilatının sədri Etibar Hacıyev və partiya fəalları, Ağstafa Rayon İcra Hakimiyyəti aparatının “Vətən müharibəsi iştirakçıları və şəhid ailələri ilə işin təşkili şöbəsi”nin müdiri Ariz Qədiməliyev, Ağstafa Rayon Gənclər və İdman İdarəsinin rəisi Əziz Məsmalıyev, şəhid ailələri, qazilər, həmçinin rayon ictimaiyyətinin nümayəndələri Qarahəsənli kənd qəbirstanlığında şəhidin məzarını ziyarət edib, önünə gül dəstələri düzüb, ruhuna dualar oxuyublar.
Daha sonra tədbir iştirakçıları şəhid Orxan Babayevin ailəsini ziyarət edib, dərin hüznlə başsağlığı verib, qayğı və problemləri ilə maraqlanıblar
Şəhidin ailə üzvləri göstərilən diqqət və qayğıya görə Prezident, Ali Baş Komandan İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
