YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI: 0
BİZƏ YAZIN

Xəbərlər

Vatikanla Qafqaz Müsəlmanları İdarəsi arasında dini-mənəvi əlaqələrin inkişaf perspektivləri müzakirə edilib

Aprelin 3-də Qafqaz Müsəlmanları İdarəsinin (QMİ) sədri şeyxülislam Allahşükür Paşazadə Vatikanın Cənubi Qafqaz üzrə elçisi Nunsi Marek Solçinski ilə görüşüb.

QMİ-dən bildirilib ki, görüşdə Vatikanla Qafqazın dini mərkəzi olan Qafqaz Müsəlmanları İdarəsi arasında dini-mənəvi əlaqələrin inkişaf perspektivləri müzakirə edilib.

Roma Papası Fransiskə salamlarını və xoş arzularını çatdırmağı xahiş edən şeyxülislam Allahşükür Paşazadə qarşıdan gələn Pasxa bayramı münasibətilə dünya katoliklərini təbrik edib və Zati-müqəddəslərinə təbrik məktubunu elçiyə təqdim edib.

Görüşə görə QMİ-nin sədrinə minnətdarlığını bildirən Nunsi Marek Solçinski Vatikan-Azərbaycan əlaqələrinin yüksək səviyyəsindən razılıq ifadə edib. O, bu əlaqələrin inkişafında şeyxülislamın rolunun Vatikan tərəfindən yüksək qiymətləndirildiyini diqqətə çatdırıb.

Görüşdə Azərbaycandakı katolik icmasının başçısı ordinari Vladimir Fekete də iştirak edib.

DİGƏR Xəbərlər Arxiv