Xəbərlər
YAP Qobustan rayon təşkilatı ərazi partiya təşkilatlarında hesabat-seçki yığıncaqları keçirilib
Yeni Azərbaycan Partiyası Qobustan rayon təşkilatı Gənclər İdman İdarəsi, Mədəniyyət şöbəsi, Mərkəzi rayon xəstəxanası, İcra Hakimiyyəti, Təhsil şöbəsi ərazi partiya təşkilatlarında hesabat-seçki yığıncaqları keçirilib.
Əvvəlcə ulu öndər Heydər Əliyevin və Azərbaycanın ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.
Sonra ərazi partiya təşkilatlarının hesabat dövrü ərzindəki fəaliyyətləri barədə hesabat məruzələri dinlənilib. Məruzə ətrafında çıxış edənlər ərazi partiya təşkilatlarının hesabat dövrü ərzindəki fəaliyyətlərini qənaətbəxş qiymətləndiriblər.
Yığıncaqlarda təşkilati məsələlərə də baxılıb, ərazi partiya təşkilatlarının sədr və sədr müavinləri seçilib.
YAP Qobustan rayon təşkilatının sədri Qasım Qasımov yeni seçilən sədr və sədr müavinlərini təbrik edib, işlərində uğurlar arzulayıb.
