Xəbərlər
Milli Məclisin deputatı Vətən müharibəsi qazisini ziyarət edib
Milli Məclisin deputatı Anar Məmmədov Goranboyda Vətən müharibəsi qazisi müəllim Əmrahov Ruslan Rəşid oğlunu evində ziyarət edib.
Görüşdə Goranboy Rayon İcra Hakimiyyətinin əməkdaşları, rayon ağsaqqalları və ziyalılar da iştirak ediblər.
Milli Məclisin deputatı qazi və ailəsinin problemləri ilə maraqlanıb. Dövlətin şəhid ailələri və qazilərə göstərdiyi diqqət və qayğıdan söz açan Anar Məmmədov Vətən oğullarının döyüşlərdə göstərdiyi rəşadətdən danışıb.
Qazi Ruslan Əmrahov göstərilən yüksək diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlığını ifadə edib.
