YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Milli Məclisin deputatı Anar Məmmədov seçicilərlə növbəti görüş keçirib

Milli Məclisin deputatı Anar Məmmədov Goranboy rayonunun 59-cu məhəllə adlanan yeni yaşayış massivində sakinlərlə görüş keçirib. Görüşdə Goranboy rayon İcra Hakimiyyətinin məsul əməkdaşları, rayon ağsaqqalları və ziyalıları, “Azəriqaz” İB-nin regional qaz idarəsinin rəisi Azay Muxtarov və rayon ictimaiyyətinin nümayəndələri iştirak edib.

Sakinlərlə görüş zamanı daha çox səsləndirilən problem yeni yaşayış massivinin qazlaşdırılması məsələsi olub. Deputat Anar Məmmədov da məsələnin həlli üçün “Azəriqaz” İB-nin direktoru Ruslan Əliyevə müraciət edib. Artıq 59-cu məhəllə adlanan yaşayış massivində qaz xəttinin çəkilişinə başlanılıb və 70 abonentin qaz xətti ilə təmin olunması məsələsi öz həllini tapır.

Anar Məmmədov sakinləri bu münasibətlə təbrik edib, eyni zamanda ünvanlanan müraciətə operativ reaksiya verdiyinə görə “Azəriqaz” İB-nin rəhbərliyinə və kollektivinə təşəkkürünü bildirib.

Sakinlər də rayona göstərilən diqqət və qayğıya görə ölkə Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.