Xəbərlər
Milli Məclisin deputatı Sevinc Hüseynova şəhid ailələrini ziyarət edib
Yeni Azərbaycan Partiyasının Təftiş Komissiyasının sədri, Milli Məclisin deputatı Sevinc Hüseynova Gədəbəy rayonunun Parakənd kəndində şəhid Allahverdiyev Seymur Qərib oğlunun, Kiçik Qaramurad kəndində şəhid Quliyev Mehtab Ənvər oğlunun, Səbətkeçməz kəndində şəhid Əliyev Bəybala Fazil oğlunun və Çalburun kəndində şəhid Mustafayev Elvin Qiyas oğlunun ailələrini ziyarət, Qoşabulaq kəndində Əsgərov Hüseyin Ramiz oğlunun şəhidlik zirvəsinə ucalmasının ildönümü ilə əlaqədar anım mərasimində iştirak edib.
Şəhid ailələrinin qayğı və problemləri ilə yaxından maraqlanan millət vəkili dövlət başçısı, Müzəffər Ali Baş Komandan İlham Əliyevin və Birinci vitse-prezident Mehriban xanım Əliyevanın şəhid ailələrinə yüksək diqqət və qayğısından geniş bəhs edib. Bildirib ki, şəhidlərimizin xatirəsi hər birimiz üçün əzizdir. Onların ailələrinə diqqət bizim borcumuzdur. Vətən oğullarımız qanları, canları ilə Zəfər tariximizi yazdılar. Onların həyat yolu vətənpərvərlik məktəbidir. Necə-neçə nəsillər bu məktəbdən bəhrələnəcək.
Millət vəkili Sevinc Hüseynova, eyni zamanda, Miskinli kəndində şəhidlərin əziz xatirəsinin əbədiləşdirilməsi məqsədilə yaradılan abidə kompleksini ziyarət edib.