Xəbərlər
Millət vəkili Məşhur Məmmədov şəhid ailəsini ziyarət edib, Şəhidlər Kompleksinin və Şəhidlər bulağının açılışlarına qatılıb
Milli Məclisin deputatı Məşhur Məmmədov, Masallı Rayon İcra Hakimiyyətinin rəhbərliyi və ictimaiyyət nümayəndələri rayonun Köçəkli kəndində şəhidlərin xatirəsinə inşa edilmiş Şəhidlər Kompleksinin, İmanlı kəndində Şəhidlər bulağının açılışlarında iştirak edib, Viləş kəndində şəhid qardaşlar- İntiqam və Nurlan Əsgərlinin ailəsini ziyarət ediblər.
M.Məmmədov bildirib ki, hər bir şəhid xalqın unudulmaz qəhrəmanıdır. Onların torpaq,Vətən sevgisi gənclərimizdə vətənpərvərlik ruhunun daha da artmasına öz müsbət təsirini göstərəcək. Əbəs yerə deyilmir ki, şəhidlər ölməz, Vətən bölünməz! Şəhidlərimiz daim xalqımızın qəlbində yaşayacaqlar. Zəfər sevincini bizlərə yaşadan şəhidlərimizin ruhu qarşısında baş əyirik.
Şəhidlərin valideynləri onlara göstərilən diqqət və qayğıya görə dövlət başçısı, Müzəffər Ali Baş Komandan İlham Əliyevə və Birinci vitse-prezident Mehriban Əliyevaya minnətdarlıqlarını bildiriblər.
