Xəbərlər
"Azerspace-2" peyki ilə bağlı açıq tender elan edildi
Azərbaycan Rabitə və Yüksək Texnologiyalar Nazirliyinin "Azərkosmos" Açıq Səhmdar Cəmiyyəti "Azərbaycan Respublikasının ikinci telekommunikasiya peyki olan "Azerspace-2" peykinin və əlaqədar yerüstü avadanlıqların satınalınması"na dair açıq tender elan edib.
Məlumata görə, tenderdə iştirak etmək üçün müraciət edənin göstəriciləri müəyyən meyarlara uyğun olmalıdır.
Qalib iddiaçı hər bir tender təklifinin və iddiaçının tenderin əsas şərtlər toplusuna uyğunluğunun dəyərləndirilməsi və tender təkliflərinin bir-biri ilə müqayisəsi nəticəsində maliyyə, texniki, ixtisas meyarları əsasında, habelə Ku- və Ka- radiotezlik zolaqlarında geo-stasionar orbitdə istismar olunan telekommunikasiya peyk və əlaqədar yerüstü avadanlıqlardan ibarət peyk sistemlərinin istismara verilməsi sahəsində təcrübəsi nəzərə alınaraq seçiləcək.
Tender təklifi və bank zəmanəti 22 aprel 2015-ci il saat 18:00-a qədər "Azərkosmos" ASC-yə (ünvan: Azərbaycan Respublikası, Bakı şəhəri, AZ1000, Üzeyir Hacıbəyli küçəsi, 72, 5-ci mərtəbə) təqdim edilməlidir.
Tender proseduru 23 aprel 2015-ci il saat 11:00-da "Azərkosmos" ASC-nin böyük iclas zalında başlayacaq.