Xəbərlər
YAP Lerik rayon təşkilatı şəhid ailələri ilə görüşləri davam etdirir
Yeni Azərbaycan Partiyası Lerik rayon təşkilatının sədri Cəlil Baxşıyev Vətən müharibəsində qəhrəmancasına şəhid olmuş baş leytenant Şükürov Samir Təyyub oğlunun ailəsi ilə görüşüb.
Görüş zamanı təşkilat sədri ailənin problem və qayğıları ilə maraqlanıb, şəhidin məzarını ziyarət edib. Cəlil Baxşıyev Azərbaycanın ərazi bütövlüyü uğrunda şəhid olan Samir və onun kimi bütün igidlərimizlə xalqımızın qürur duyduğunu bildirib.
Qeyd edək ki, 44 günlük qəhrəmanlıq tarixini yazan igidlərimizdən olan baş leytenant Samir Şükürov Lerik rayonunun Kəlvəz kəndində anadan olub.
