Xəbərlər
Bakı-Tbilisi-Qars dəmir yolunun Gürcüstan hissəsində işlər tam başa çatdırılıb
Bakı-Tbilisi-Qars dəmir yolu layihəsinin Azərbaycan və Gürcüstan ərazisində inşa edilən hissəsi istismara tam hazırdır. Yaxın vaxtlarda Gürcüstan tərəfi sınaq qatarını xəttə buraxacaq. Türkiyə hissəsində isə tikinti işləri bir az gecikir. Lakin düşünürəm ki, bu yubanma tez bir zamanda aradan qaldırılacaq və yolun tikintisini nəzərdə tutduğumuz vaxtda başa çatdıra biləcəyik.
Bu sözləri Gürcüstan Baş nazirinin müavini, energetika naziri Kaxa Kaladze jurnalistlərə açıqlamasında deyib.
Bakı-Tbilisi-Qars dəmir yolu layihəsinin Gürcüstan hissəsinin 185 kilometrdir olduğunu xatırladan nazir bu dəmir yolunun 2015-ci ildə tam istifadəyə veriləcəyinə inandığını bildirib.