YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Naqif Həmzəyevin seçicilərlə görüşləri ruh yüksəkliyi ilə davam edir

38 saylı Nizami ikinci (Gəncə) seçki dairəsindən deputatlığa namizədliyi Yeni Azərbaycan Partiyası tərəfindən irəli sürülən Naqif Həmzəyevin təbliğat-təşviqat kampaniyası çərçivəsində seçicilərlə görüşləri davam edir.

Seçicilərlə səmimi ab-havada keçən görüşlərdə Naqif Həmzəyev ölkə Başçısı İlham Əliyevin həyata keçirdiyi inkişaf siyasəti, aparılan dərin məzmunlu islahatlar haqqında ətraflı məlumat verib. Bu islahatların ölkəmizin inkişafına böyük təkan verməklə yanaşı əhalinin sosial rifahının daha da yüksəlməsinə xidmət etdiyini qeyd edən Naqif Həmzəyev seçiciləri 9 fevral parlament seçkilərində daha güclü Azərbaycan naminə Yeni Azərbaycan Partiyasının namizədlərinə səs verməyə çağırıb.

Görüşdə çıxış edən seçicilər Prezident İlham Əliyevin inkişaf siyasətini dəstəklədiklərini, qarşıdan gələn seçkilərdə də Yeni Azərbaycan Partiyasının namizədlərinə səs verəcəklərini bildiriblər.

Görüş zamanı, həmçinin sakinlərin problemləri, şikayət və təklifləri dinlənilib. Deputatlığa namizəd Naqif Həmzəyev qaldırılan məsələlərin təhlil olunaraq, həll edilməsi istiqamətində zəruri addımların atılacağını diqqətə çatdırıb.