Xəbərlər
Tahir Süleymanov: Azərbaycanda iqtisadiyyatın şaxələndirilməsi ilə bağlı mühüm tədbirlər həyata keçirilir
“Bu gün ölkəmizdə iqtisadiyyatın şaxələndirilməsi ilə bağlı mühüm tədbirlər hyata keçirilir”. Bu fikri Milli Məclisin deputatı Tahir Süleymanov deyib.
T.Süleymanov bildirib ki, son bir ilin mühüm addımlarından biri kimi Prezident İlham Əliyevin Fərmanı ilə təsdiqlənmiş sayca dördüncü “Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqramı”nın qəbulu qeyd olunmalıdır. Onun sözlərinə görə, bölgələrə mütəmadi səfərlər edən Prezident İlham Əliyev bu səfərlər zamanı həm görülən işlərə nəzarət edir, həm də yerlərdə vətəndaşlarla görüşür, onları narahat edən problemlərin həlli istiqamətində göstərişlər verir.
“Bölgələrin sosial-iqtisadi durumunun yaxşılaşdırılması, həmçinin infrastruktur layihələri ilə əlaqədar biri-birindən önəmli sərəncamlar imzalanıb. Hər bir rayonun sosial-iqtisadi inkişafının sürətləndirilməsi üçün əlavə tədbirlər planının təsdiqlənməsi və büdcədən vəsaitlərin ayrılması da qeyri-neft sektorunun inkişafının prioritet olmasından xəbər verir”, - deyə T.Süleymanov vurğulayıb.