Xəbərlər
Şahin Mustafayev: Üç ayda Azərbaycanla Hindistanın ticarət dövriyyəsi 300 milyon dollara çatıb
Cari ilin birinci rübündə Azərbaycan ilə Hindistan arasında ticarət dövriyyəsi 66 faiz artaraq 300 milyon dollara yaxın olub.
Bu barədə iqtisadiyyat naziri Şahin Mustafayev deyib.
Nazir qeyd edib ki, Azərbaycanda 230-dək Hindistan kapitallı şirkət fəaliyyət göstərir. Hindistan şirkətləri Azərbaycan iqtisadiyyatında 1,2 milyard dollar investisiya yatırıb. 2018-ci ildə Azərbaycan və Hindistan arasında ticarət dövriyyəsi əvvəlki illə müqayisədə 84 faiz artıb.