Xəbərlər
Prezident İlham Əliyev “Ordubad Su Elektrik Stansiyasının tikintisi ilə bağlı tədbirlər haqqında” Sərəncam imzalayıb
![](http://yap.org.az/thumb.php?src=http://yap.org.az/upload/images/411b712ebfac6115cbe7e3cd57fb2b9b.jpg&w=360)
Azərbaycan Prezidenti İlham Əliyev mayın 16-da “Ordubad Su Elektrik Stansiyasının tikintisi ilə bağlı tədbirlər haqqında” Sərəncam imzalayıb.
Gücü 36 MVt olan Ordubad Su Elektrik Stansiyasının tikintisinin davam etdirilməsi məqsədilə Azərbaycan Respublikası Prezidentinin 2018-ci il 22 yanvar tarixli Sərəncamı ilə təsdiq edilmiş “Azərbaycan Respublikasının 2018-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.31.2-ci yarımbəndində göstərilmiş məbləğin 10 milyon manatı Naxçıvan Muxtar Respublikasının Nazirlər Kabinetinə ayrılıb.