Xəbərlər
Bakı-Tbilisi-Ərzurum kəməri ilə 700 milyon kubmetrədək təbii qaz ötürülüb
Ötən ay Azərbaycandakı magistral qaz kəmərləri ilə 2 milyard 380 milyon kubmetr təbii qaz nəql edilib və əvvəlki ilin müvafiq dövrünə nisbətən 2,3 faiz artım müşahidə olunub.
Dövlət Statistika Komitəsindən verilən məlumata görə, yanvar ayında qaz nəqlinin 29,3 faizi Bakı-Tbilisi-Ərzurum (Cənubi Qafqaz Boru Kəməri) boru kəməri vasitəsilə həyata keçirilib və bu kəmərlə 698,5 milyon kubmetr qaz göndərilib.