Xəbərlər
Musa Quliyev: Ölkəmizin dinamik inkişafı bundan sonra da davam edəcək
«2014-cü ilin birinci yarısında nəzərdə tutulan bütün məsələlər uğurla yerinə yetirilib». Bu fikri Milli Məclisin Sosial siyasət komitəsinin sədr müavini Musa Quliyev deyib.
M.Quliyev bildirib ki, bütün bunlar ilin sonuna qədər qarşıda duran vəzifələrin tam icra ediləcəyinə əsas verir. Onun sözlərinə görə, ölkəmizin dinamik inkişafı bundan sonra da davam edəcək.
«Bu ilin 6 ayında əhalinin gəlirləri 4,5 faiz artıb, inflyasiya 1,6 faiz təşkil edib. Bu isə əhalinin gəlirlərinin qiymət artımını 3 dəfə üstələdiyini göstərir. Hesabat dövründə dövlət büdcəsinin gəlirləri 9,3 milyard manat və ya 101,6 faiz yerinə yetirilib, xərcləri isə 8,7 milyard manat olub. Bütövlükdə isə Azərbaycanda sosial dövlət quruculuğu uğurla davam edir»- deyə, M.Quliyev qeyd edib.