Xəbərlər
Gəncədəki “ASAN xidmət” mərkəzində YAP şəhər təşkilatının ərazi ilk təşkilatı təsis olunub
Gəncədəki “ASAN xidmət” mərkəzində Yeni Azərbaycan Partiyası Gəncə şəhər təşkilatının ərazi ilk partiya təşkilatı təsis olunub.
Təsis yığıncağında YAP Gəncə şəhər təşkilatının sədri Naqif Həmzəyev çıxış edərək təşkilatın 31 mindən çox üzvünün 17 mininin gənc olduğunu, onların Gəncənin ictimai-siyasi və mədəni həyatında fəal iştirak etdiklərini, etimadı layiqincə doğrultduqlarını bildirib.
Gəncə “ASAN xidmət” mərkəzinin direktoru Elnur Rzayev səs çoxluğu ilə ərazi ilk partiya təşkilatının sədri seçilib.
Yığıncaqda “ASAN xidmət” mərkəzinin 79 nəfər könüllüsü YAP sıralarına qəbul olunub.