Xəbərlər
Kamilə Əliyeva: Azərbaycan sivilizasiyalararası dialoqun inkişafına əhəmiyyətli töhfələr verir
«Azərbaycan beynəlxalq dialoq və əməkdaşlıq məkanıdır». Bu fikri Milli Məclisin deputatı Kamilə Əliyeva deyib.
K.Əliyeva bildirib ki, ölkəmiz belə bir mövqedə olduğunu dəfələrlə təsdiqləyib. Onun sözlərinə görə, Azərbaycan sivilizasiyalararası dialoqun inkişafına əhəmiyyətli töhfələr verir.
«Bununla yanaşı ölkəmiz mühüm siyasi, iqtisadi, mədəni və humanitar xarakterli beynəlxalq tədbirlərə ev sahibliyi edir. Bir çox nüfuzlu beynəlxalq tədbirlərin respublikamızda keçirilməsi Azərbaycanın beynəlxalq inteqrasiya prosesində uğurla iştirak etməsindən xəbər verir. Beləliklə, Azərbaycan özünün çoxşaxəli və mütərəqqi xarici siyasət kursu ilə müasir dünyanın, xalqlararası əməkdaşlığın inkişafında və sivilizasiyalararası dialoqda mühüm rol oynayır. Prezident İlham Əliyevin qeyd etdiyi kimi, hazırda Azərbaycan Cənubi Qafqaz regionunun siyasi, iqtisadi və humanitar mərkəzinə çevrilib. Azərbaycan öz siyasətində sülh, sabitlik, inkişaf, qarşılıqlı-faydalı əməkdaşlıq kimi meyarları əsas götürür. Bununla da, ölkəmiz beynəlxalq münasibətlər sisteminə yeni və daha mütərəqqi dəyərlər təqdim etməkdədir. Bu isə daha çox regional və qlobal inkişafa, sabitliyə, təhlükəsizliyə töhfə kimi xarakterizə edilməlidir»- deyə, K. Əliyeva vurğulayıb.