Xəbərlər
Yevda Abramov: Azərbaycan tolerant ölkə kimi bütün dünyaya nümunəyə çevrilib
Milli Məclisin İnsan hüquqları komitəsinin sədr müavini Yevda Abramovun sözlərinə görə, ölkəmizdə tolerantlıq yüksək səviyyədə təmin olunub.
Y.Abramov bildirib ki, Azərbaycanda yaşayan azsaylı xalqlara, eləcə də İslam və digər dinlərə etiqad edənlərə bərabər şərait yaradılıb. Onun sözlərinə görə, yaradılan şərait nəticəsində ölkəmizdə millətlərarası münasibətlər yüksək səviyyədə qurulub, dinlərarası ünsiyyət təmin edilib, Azərbaycan tolerant ölkə kimi bütün dünyaya nümunəyə çevrilib.
Y.Abramov vurğulayıb ki, Multikulturalizm çoxmədənilik, fərqli mədəniyyətlərin birgə yaşaması, ayrı-ayrı insanların bir-birinin mədəniyyətinə və dünyagörüşünə hörmətlə yanaşmasıdır. Azərbaycan bu məsələdə hər zaman nümunəvi ölkə olub. Azərbaycanda 2016-cı ilin “Multikulturalizm ili” elan edilməsi bütövlükdə xalqımızın tarixi mədəniyyətinin bir daha parlaq şəkildə göstərilməsidir.