Xəbərlər
Bakıda Azərbaycan-Rusiya biznes forumu keçirilib
Avqustun 8-də Bakıda Azərbaycan-Rusiya biznes forumu keçirilib.
İqtisadiyyat Nazirliyi və Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə keçirilən biznes forumda Azərbaycanın iqtisadiyyat naziri Şahin Mustafayev iki ölkə əlaqələrinin yüksək səviyyədə olduğunu və strateji tərəfdaşlıq səviyyəsinə yüksəldiyini deyib. Nazir əməkdaşlığın genişləndirilməsində dövlət başçılarının qarşılıqlı səfərlərinin və aparılan danışıqların mühüm əhəmiyyətini vurğulayıb.
Rusiya Federasiyasının iqtisadi inkişaf naziri Aleksey Ulyukayev Azərbaycan-Rusiya əlaqələrinin müxtəlif sahələrdə, o cümlədən iqtisadi sahədə uğurla davam etdiyini qeyd edib. O, əməkdaşlığın genişlənməsi üçün hər iki ölkənin böyük potensiala malik olduğunu bildirib.