Xəbərlər
Ölkədə əhalinin gəlirləri artıb
2016-cı ilin yanvar-iyun aylarında əhalinin gəlirləri 21493,9 milyon manata çatıb. Bu barədə Dövlət Statistika Komitəsinin məlumatında bildirilir.
Məlumatda qeyd olunur ki, bu, əvvəlki ilin müvafiq dövrü ilə müqayisədə nominal ifadədə 8,4 faiz artım deməkdir. Gəlirlərin 78,2 faizi son istehlak xərclərinə, 9,3 faizi vergilərin, sığorta və üzvlük haqlarının, 2,7 faizi kreditlər üzrə faizlərin ödənilməsinə sərf edilib, 9,8 faizi isə yığıma yönəldilib.