YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Azad Rəhimov: Bizim Azərbaycanın ucqar kəndlərindən, dağlarından Olimpiya məşəli keçirməklə bağlı planımız var

«Olimpiya məşəli oyunlar başlamadan iki ay əvvəl yandırılmalıdır. Hazırda həm beynəlxalq, həm də Avropa Komitəsi tərəfindən cavab gözləyirik». Bu fikirləri  gənclər və idman naziri, Bakı Avropa Oyunları Əməliyyat Komitəsinin baş icraçı direktoru Azad Rəhimov deyib.

 A.Rəhimov  xatırladıb ki, Olimpiya oyunlarının yandırılması məkanı Yunanıstandır. Onun fikrpincə, ola bilsin ki, Bakı 2015 Avropa Oyunları üçün məşəl o məkanda deyil, qədim stadionların birində də yandırılsın. Amma nazir bunun üçün xüsusi icazənin alınmasının tələb olunduğunu qeyd edib. Onun sözlərinə görə, bununla bağlı işlər aparılır.

«Bu məsələ aydınlaşan kimi mətbuata məlumat veriləcək. Amma bildiyiniz kimi, bizim də ilk gündən Azərbaycanın ucqar kəndlərindən, dağlarından bu məşəli keçirməklə bağlı planımız var. Bizim Yanar Dağımız, Atəşgah məbədimiz var, yəni məşəli yandırmağa yerlərimiz çoxdur» - deyə, A.Rəhimov vurğulayıb.