YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

YAP yaşlı nəslin nümayəndələrinin partiyanın yaranmasında, möhkəmlənməsində, siyasi və ictimai nüfuzunun artmasında xidmətlərini yüksək qiymətləndirir

Bəzi kütləvi informasiya vasitələrində Yeni Azərbaycan Partiyasının üzvlüyünə qəbulla bağlı guya hansısa yaş senzinin tətbiq edilməsinə dair informasiyalar yayılır, məqsədli şəkildə partiyanın demokratik dəyərlərinə kölgə salan təbliğat aparılır.

Bununla əlaqədar olaraq Yeni Azərbaycan Partiyası qəti şəkildə bildirir ki, partiyaya qəbul onun Nizamnaməsində müəyyən olunmuş prinsiplərə uyğun şəkildə həyata keçirilir və 18 yaşına çatmış hər bir Azərbaycan vətəndaşının Yeni Azərbaycan Partiyasına qəbul olunmaq haqqı təsbit olunur.

Yeni Azərbaycan Partiyasının sıralarında bu gün bütün nəsillərin nümayəndələri fəaliyyət göstərir, bütün yaş təbəqələri təmsil olunur.Yeni Azərbaycan Partiyası ölkəmizin inkişafına misilsiz töhvələr vermiş yaşlı nəslin nümayəndələrinin partiyanın yaranmasında, möhkəmlənməsində, siyasi və ictimai nüfuzunun artmasında xidmətlərini daim yüksək qiymətləndirmiş və bu gün də qiymətləndirir. Xüsusi qürur hissi ilə qeyd etmək yerinə düşər ki, Yeni Azərbaycan Partiyasının sıralarında yaşlı və gənc nəsillərin nümayəndələrinin qarşılıqlı faydalı əməkdaşlığı siyasi proseslərdə nəsillərin varisliliyi prinsipinin təcəssümünə ən yaxşı misaldır. Biz eyni zamanda onu da məmnunluqla vurğulayırıq ki, Azərbaycanın ictimai-siyasi həyatında fəal rol oynayan, enerjisini  çiçəklənən sabahımız uğrunda sərf edən gəncliyinYeni Azərbaycan Partiyasının sıralarında geniş təmsil olunması partiyamızın böyük gələcəyindən xəbər verir.

Yeni Azərbaycan Partiyasını ölkəmizin bütün təbəqələrinin, nəsillərinin, demoqrafik qruplarının nümayəndələrindən ayrı təsəvvür etmək mümkün deyil. Azərbaycançılıq və milli birlik ideyalarını real həyatda təcəssüm etdirən Yeni Azərbaycan Partiyasının gücünü və qüdrətini təmin edən mənbələrdən biri məhz bundan ibarətdir. 

DİGƏR Xəbərlər Arxiv