Xəbərlər
Yeni Bakı limanı Avrasiyanın nəqliyyat və logistika mərkəzinə çevriləcək
Yeni Bakı limanının İpək Yolunun, həmçinin Şərq-Qərb və Şimal-Cənub nəqliyyat dəhlizlərinin üzərində yerləşməsi onun potensialını artırır.
Bu sözləri Bakı Beynəlxalq Dəniz Ticarət Limanının Baş direktoru Taleh Ziyadaov deyib.
Perspektivlər barədə danışan T.Ziyadov qeyd edib ki, yeni Bakı limanı tam istifadəyə verildikdən sonra İran ilə yanaşı, Orta Asiyadan da yüklərin Avropaya daşınmasında iştirak edəcək. Rəşt-Qəzvin-Ənzəli-Astara və Bakı–Tbilisi-Qars beynəlxalq dəmir yolu xətlərinin işə düşməsi Bakı limanının bölgə dövlətləri üçün əhəmiyyətini daha da yüksəldəcək.
İldə 25 milyon ton yüküötürmə imkanına malik olan liman 400 hektar ərazini əhatə edir. Limanın bu potensialı gələcəkdə onu yalnız Şərq-Qərb və Şimal-Cənub nəqliyyat dəhlizlərinin deyil, Avrasiyanın aparıcı nəqliyyat və logistika mərkəzinə çevirəcək.