Xəbərlər
Qalib Liderə xalqın etimadı sonsuzdur!
Bərdə rayonunda təbliğat kampaniyası uğurla davam edir
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində Bərdə rayonunun Həsənqaya, Saatlı, Qəhrəmanlı, Mirasəfli kəndlərində gənc seçicilərlə, eləcə də Çələbilər, Nifçi kəndlərində seçicilərlə görüş keçirilib.
Tədbirlərin əvvəlində Dövlət Himni səsləndirilib, Ulu Öndər Heydər Əliyevin və Vətən uğrunda canlarından keçən qəhrəman oğulların xatirəsi bir dəqiqəlik sükutla yad edilib.
Görüşdə Prezident İlham Əliyevin 20 illik fəaliyyətinə həsr olunmuş videoçarx nümayiş etdirilib.
Görüşdə YAP Bərdə rayon təşkilatının sədri Faqət Şadlinskaya, təbliğat qrupunun üzvləri Qasım Hacıyev, Tərlan Musayeva, Aqşin Hacızadə, Raqub Yunisov, şəhid Fəxri Qəribzadənin anası Mehparə Qəribova, Birinci Qarabağ müharibəsi iştirakçısı Gəray Əsədov çıxış ediblər. Çıxışlarda qeyd olunub ki, Prezident İlham Əliyev xalqa verdiyi bütün vədləri yerinə yetirib, hər bir azərbaycanlının Prezidenti olduğunu təsdiqləyib və xalqımızı öz ətrafında dəmir yumruq kimi birləşdirərək qalib xalq, dövlətimizi qalib dövlət etməyi bacarıb.
Natiqlər seçiciləri 7 fevral prezident seçkilərində fəal iştirak etməyə və qalib Lider, Yeni Azərbaycan Partiyasının namizədi cənab İlham Əliyevə səs verməyə çağırıblar.
Çıxış edən seçicilər fevralın 7-də seçki məntəqələrinə gedərək qalib Lider, xalqımıza Zəfər sevinci yaşadan Müzəffər Ali Baş Komanda İlham Əliyevə səs verəcəklərini bildiriblər.
Tədbirlər Yeni Azərbaycan Partiyasının Himninin səsləndirilməsi ilə yekunlaşıb.
Təşviqat qrupunun üzvləri, həmçinin Güloğlular kəndində 93 yaşlı Süleyman Qəribovun və şəhid Fəxri Qəribovun ailəsində olub, təşviqat işi evlərdə davam etdirilib.
