Xəbərlər
Şəhid ailələrinə qayğı hər bir azərbaycanlının vətəndaşlıq borcudur
Yeni Azərbaycan Partiyası (YAP) Şuşa rayon təşkilatı 33 nömrəli ərazi partiya təşkilatının sədri və partiya üzvləri, həmçinin Şuşa rayon 15 nömrəli tam orta məktəbin müəllim kollektivi ölkəmizin ərazi bütövlüyü uğrunda canından keçmiş şəhid Həmzəyev Novruz Bəkir oğlunun ailəsini ziyarət ediblər.
Görüşdə şəhidimizin şərəfli həyat və döyüş yolu, torpağa, milli-mənəvi dəyərlərə bağlılığından bəhs edilib, şəhid ailəsinin qayğı və problemləri dinlənilib.
Qeyd olunub ki, Azərbaycanın ərazi bütövlüyü uğrunda canından keçmiş şəhidlərimizin adını uca tutmaq, əbədiləşdirmək, onların doğmalarına, ailə üzvlərinə diqqət və qayğı göstərmək hər bir azərbaycanlının vətəndaşlıq borcudur.
Şəhidin valideynləri onlara göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya öz dərin minnətdarlıqlarını bildiriblər.