Xəbərlər
Prezident İlham Əliyev: Azərbaycan və Səudiyyə Ərəbistanı bir-birinə çox yaxındır
Qardaş ölkələrimiz arasında əlaqələr siyasi-iqtisadi sahələrdə də, mədəniyyət sahəsində də uğurla inkişaf edir. Biz bir-birimizə çox yaxınıq. Bizim vətəndaşlar Səudiyyə Ərəbistanına səfər edir, sizin vətəndaşlar Azərbaycana gəlir və bunu aydın şəkildə görürlər.
Bu fikirləri Azərbaycan Prezidenti İlham Əliyev Səudiyyə Ərəbistanı Krallığının xarici işlər naziri Feysal bin Fərhan Al Səudu qəbul edərkən söyləyib.
Beynəlxalq təşkilatlar çərçivəsində əməkdaşlığın münasibətlərimizin daha bir vacib hissəsi olduğunu qeyd edən dövlətimizin başçısı deyib: “Biz BMT və İslam Əməkdaşlıq Təşkilatı çərçivəsində göstərilən dəstəyə görə minnətdarıq. Biz bu təsisatlarda uğurla əməkdaşlıq edirik. Əminəm ki, səfəriniz zamanı həmkarlarınızla məsləhətləşmələr çərçivəsində əlaqələrimizi daha da gücləndirmək üçün hansı istiqamətdə irəli gedəcəyimiz müəyyən ediləcək”.