Xəbərlər
Ağdamda qazilərlə görüş olub
Yeni Azərbaycan Partiyası (YAP) Ağdam rayon təşkilatının sədri Mansur Quliyev və Ağdam Rayon İcra Hakimiyyətinin başçısı Vaqif Həsənov rayonun Qaradağlı kəndində bir qrup qazi ilə görüş keçiriblər.
RİH başçısı şəhid ailələrinə, qazilərə göstərilən dövlət qayğısından, onların sosial müdafiəsinin təmin olunması istiqamətində görülən işləri də qeyd edərək, qazilərimizin səhhəti və qayğıları ilə maraqlanıb.
Rayon rəsmiləri, həmçinin Vətən müharibəsi qazisi, Şükürağalı kənd sakini Usubov Rail Qüdrət oğlunu doğum günü münasibətilə təbrik edib, ona ən xoş arzularını çatdırıblar.
Qazilər göstərilən diqqətə görə Prezident İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
