Xəbərlər
Goranboyda Vətən müharibəsi qazisi ziyarət olunub
Milli Məclisin deputatı Anar Məmmədov və Goranboy Rayon İcra Hakimiyyətinin başçısı Məhərrəm Quliyev YAŞAT Fondu tərəfindən müalicə məqsədilə qardaş Türkiyəyə göndərilən və 10 günlük müddətə respublikaya dönən Vətən Müharibəsi qazisi, Borsunlu kənd sakini Nəsirov Elmar Elmir oğlunu növbəti dəfə evində ziyarət ediblər.
Görüşdə Goranboy Rayon İcra Hakimiyyəti aparatının məsul əməkdaşları, YAP rayon təşkilatının nümayəndələri, rayon ağsaqqalları və ziyalıları da iştirak ediblər. Görüş iştirakçıları qəhrəmanlığa görə qaziyə öz ürək sözlərini bildirib, onun qayğıları ilə maraqlanıblar.
44 günlük Vətən müharibəsində döyüş tapşırığını yerinə yetirən zaman ağır xəsarətlər alan Qarabağ qazisi Nəsirov Elmar keçdiyi döyüş yolundan, özünün və yoldaşlarının göstərdikləri igidlikdən danışıb. O, dövlət başçısı İlham Əliyevə şəhid ailələrinə və qazilərə göstərilən diqqət və qayğıya görə minnətdarlığını bildirib.
