Xəbərlər
Milli Məclisin deputatı Naqif Həmzəyev vətəndaş qəbulu keçirib
Milli Məclisin deputatı Naqif Həmzəyev növbəti vətəndaş qəbulu keçirib.
Yeni Azərbaycan Partiyası Gəncə şəhər təşkilatının inzibati binasında seçicilərini fərdi qaydada qəbul edən deputat onların səsləndirdiyi müraciətləri dinləyib, vətəndaşları narahat edən problem və məsələlərlə tanış olub.
Müraciətlər əsasən, məşğulluq, maddi yardım, səhiyyə, kommunal xidmətlər və s. mövzularda olub. Bir neçə məsələ yerindəcə həllini tapıb. Digər məsələlər isə həll olunması üçün qeydiyyata alınıb.
Vətəndaşları diqqətlə dinləyən deputat qəbulda dilə gətirilən məsələlərin həlli istiqamətində aidiyyatı qurumlara müraciət edəcəyini və onları narahat edən problemlərin ən qısa zamanda müsbət həll olunmasına köməklik göstərəcəyini diqqətə çatdırıb.
