Xəbərlər
Rusiyanın müdafiə naziri Azərbaycanın müdafiə nazirinə zəng edib
Rusiya Federasiyasının müdafiə naziri, ordu generalı Sergey Şoyqu Azərbaycan-Ermənistan dövlət sərhədində yaranan vəziyyətlə bağlı Azərbaycan Respublikasının müdafiə naziri general-polkovnik Zakir Həsənova zəng edib.
Müdafiə Nazirliyinin mətbuat xidmətindən verilən məlumata görə, telefon danışığı əsnasında general-polkovnik Zakir Həsənov iki ölkənin dövlət sərhədində Ermənistanın törətdiyi təxribatların qarşısının qətiyyətlə alındığını bildirib.
Ordu generalı Sergey Şoyqu hərbi əməliyyatların dayandırılması və vəziyyətin sabitləşdirilməsi üçün səylər göstərməyə hazır olduğunu ifadə edib.