Xəbərlər
YAP-ın məramı: Qüdrətli Azərbaycan, siyasi sabitlik, milli həmrəylik, yüksək rifah
Azər Süleymanov
YAP Nəsimi rayon təşkilatının sədri
Ötən əsrin sonlarında Azərbaycanda mövcud olan mürəkkəb ictimai-siyasi hadisələr, dövlətçilik təcrübəsindən xəbərsiz iqtidarsızların Azərbaycana rəhbərliyi müharibə şəraitində yaşayan ölkəmizi uçuruma aparırdı. İnsanlar təlaş içərisində idilər. Azərbaycana rəhbərlik edən, siyasi biliyi, dövlətçilik təcrübəsi olmayan AXC-Müsavat iqtidarının bacarıqsızlığı ölkəni vətəndaş müharbəsi həddinə çatdırmışdı. Sabaha ümidi olmayan insanlar təlaş içərisində yaşayırdılar. Azərbaycanda yaranan gərginlik, biri-birindən mürəkkəb olduğu qədər də təhlükəli idi. Xalqla iqtidar arasında böyük qarşıdurma yaranmışdı. Belə çətin dövrdə cəmiyyətimizin parlaq simaları, Azərbaycan tarixinə «91-lər» kimi yazılan ziyalılar Naxçıvan MR Ali Məclisinin sədri Heydər Əliyevə müraciət edərək xalqı düçar olduğu bəlalardan qurtarmaq üçün çıxış yolu tapmağa çağırdılar. Ziyalıların çağırışına cavab 21 noyabr 1992-ci ildə Naxçıvanda 550 nəfərin iştirakı ilə keçirilən Yeni Azərbaycan Partiyasının təsis konfransı oldu.
«Bu, doğrudan da tarixi bir hadisə, müasir Azərbaycan dövlətçiliyi tarixində dönüş nöqtəsi idi. O vaxt 91 vətənpərvər insan bu tarixi missiyanı öz üzərinə götürüb Heydər Əliyevə müraciət göndərmişdi. Onların bu əməyi Azərbaycan tarixində öz layiqli yerini tutmuşdur və partiyamızın yaradılması ölkəmizdə gedən xoşagəlməz proseslərin gələcəkdə qarşısının alınmasında xüsusi rol oynamışdır» söyləyən Prezident, Yeni Azərbaycan Partiyasının Sədri İlham Əliyevin
vurğuladığı kimi, iqtisadi böhranla üzləşən ölkəmizdə
zərurətdən yaranmış bu partiya qısa müddətdə Azərbaycanın müstəqilliyinin təminatçısı kimi də özünü doğrultdu. Ulu öndər Heydər Əliyevin sədrliyi ilə hazırda regionda siyasi çəkisinə görə öndə gedən qüdrətli siyasi təşkilat olan YAP yarandı. Azərbaycanın müstəqilliyinin əbədiliyi naminə xalqa güvənən ulu öndər Heydər Əliyevin iştirakı ilə hazırlanan partiyanın Nizamnamə və Proqramında müstəqilliyin əbədiliyi, gələcək inkişaf konsepsiyası başlıca məqsəd və amal kimi əksini tapdı. Bu gün qüdrətli Azərbaycanın qazandığı nailiyyətlərlə öyünən hər bir vətəndaşın yüksələn rifahının əsasında Ulu Öndərin ideyaları dayanır. Müxalifət partiyası kimi yaranan YAP-ın qısa müddətdə iqtidara gəlməsi təşkilata , onun yaradıcısı Ümummilli Liderə ümümxalq məhəbbəti idi.
Ulu Öndərin ətrafında sıx birləşən insanların sabaha ümidi artdı, iqtisadiyyat dirçəldi, xalqın güzəranı yaxşılaşdı. İqtidar partiyası kimi ictimai rəyin formalaşmasında böyük xidmətləri olan YAP ölkədə milli birlik və həmrəyliyin güclənməsində də öz sözünü dedi. Xalqın mənafeyi, dövlətçiliyin möhkəmlənməsi, müstəqilliyin əbədiliyi naminə qüvvələri eyni məqsəd naminə birləşdirən YAP fəaliyyətində bu prinsipləri əsas götürdü: Azərbaycanda güclü dövlət yaranmalı, insanların həyat səviyəsi yüksəlməli, sabitilik , inkişaf davamlı proses kimi diqqətdə saxlanılmalı, ölkəmizin dünya birliyində mövqeyi möhkəmlənməli. Naxçıvan MR Ali Məclisinin Sədri işləyərdən Azərbaycan Xalq Cümhuriyyətinin atributlarını- üçrəngli bayrağını, himnini, gerbini bərpa etməklə, 31 dekabr Dünya azərbaycanlılarının həmrəyliyi günü ilə bağlı təşəbbüsü irəli sürməklə müstəqilliyimizin əbədiliyini təmin edən Ulu Öndər qarşıdakı onillər üçnü nəzərdə tutulan inkişaf konsepsiyasını hazırladı. Hakimiyyətə qayıdışı ilə Azərbaycanı təhlükələrdən xilas edən Ulu Öndər ölkədə milli həmrəyliyi təmin etdi. İnsanlar ideoloji tribuna olan YAP-ın ətrafında birləşməklə yaşadıqları ərazilərdə, işlədikləri kollektivlərdə böyük nüfuz qazandılar. Vətən, xalq naminə fədakarlıq göstərdilər. Azərbaycan xalqının inkişafı naminə əllərindən gələni əsirgəmədilər. Milli Konstitusiyamızın hazırlanmasında şəxsən iştirak edən, ölkəmizdə qanunvericilik bazasının formalaşdırılmasında böyük əməyi olan Ulu Öndərin Azərbaycan xalqına göstərdiy ən böyük xidmət Prezident İlham Əliyev kimi lideri yetişdirməsidir. Respublikaya rəhbərliyinin ilk günlərindən Ulu Önərin ideyalarının daim yaşayacağını, Azərbaycanın ən qüdrətli ölkələr sırasına çıxacağını vəd edən Prezident İlham Əliyev partiyanın Sədri kimi də Ümummilli Liderin siyasətini uğurla davam etdirir. Prezident İlham Əliyevin bu siyasətə sadiqliynin məntiqi nəticəsi «Əsrin müqaviəsi»nin istifadə müddətinin 2050-ci ilədək uzadılması, «Cənub Qaz Dəhlizi»nin, TANAP-ın, TAP-ın Bakı-Tbilisi-Qars dəmiryolunun istifadəyə verilməsidir. Bu uğular Ulu Öndərin bir aforizmini təsdiqləyir: «Yeni Azərbaycan Partiyasına xidmət etmək Azərbaycan xalqına xidmət etməkdir.»
Azərbaycan regionun ən qüdrətli ölkəsi olduğu kimi YAP da beynəlxalq səviyyədə vahid siyasi qüvvə kimi tanınır. YAP həqiqətən də dünənin, bu günün, sabahın partiyasıdır. Yarandığı gündən dövlətçiliyin möhkəmlənməsini, müstəqilliyin əbədiliyini başlıca vəzifə kimi qarşıya qoyan ümummilli lider Heydər Əliyevin qətiyyəti sayəsində Azərbaycanın inkişaf yolu müəyyənləşdirildi. İldə 2-3 qurultay keçirən, sədr və möhürdən ibarət «partiyalardan» fərqli olaraq YAP saflaşmaqla sıralarını mətinləşdirdi. Azərbaycanın bu gün qazandığı uğurların əsasını da Ulu Öndərin siyasətini qətiyyətlə davam etdirən Prezident, YAP-ın sədri İlham Əliyevin liderlik cəsarəti, xalq-iqtidar birliyi təşkil edir. Ən əsası odur ki, YAP öz taleyinə cavabdeh, güclü ideyaya malik sağlam düşüncəli Azərbaycan vətəndaşı yetirir. YAP ideya və amalına sadiq qalmaqla beynəlxalq aləmdə də güclü siyasi təşkilat kimi tanınır. Fəaliyyətini həm ölkə daxilində , həm də beynəlxalq müstəvidə genişləndirir. Xalqın mənafeyi, dövlətçiliyin möhkəmlənməsi, müstəqilliyin əbədiliyi naminə qüvvələri eyni məqsəd naminə birləşdirən YAP-ın aparıcı qüvvəsi xalq, ideoloji dayaqları müstəqillik, azərbaycançılıq, müasirlik, inkişaf, sosial rifah, siyasi və iqtisadi islahatlar, demokratik inkişafdır. Partiyanın siyasi xəttinin əsasını təşkil edən müstəqilliyin qorunması, sabitliyin təminatı, qanunvericiliyin, dövlət idarəçiliyinin təkmilləşdirilməsi naminə aparılan islahatlar inamla davam etdirilir.
Ulu Öndərin ideyasını davam etdirən Prezident, Yeni Azərbaycan Partiyasının sədri İlham Əliyevin ətrafında sıx birləşməklə birlik nümayiş etdirən Azərbaycan xalqı həmrəyliyini 44 gün davam edən İkinci Qarabağ müharibəsində qazanılan Zəfərimizlə təsdiqləndi. 30 il Ermənistan silahlılarının əsarətində qalan Azərbaycan torpaqlarının işğaldan azad olunması Prezident, Ali Baş Komandan, YAP Sədri İlham Əliyevin liderlik fəlsəfəsinin və qətiyyətinin təzahürü kimi bütün dünya ictimaiyyətini heyrətləndirdi. Ermənistanın kapitulyasiya aktını imzalaması, bu günlərdə bir illik yubileyi qeyd olunan şanlı Zəfərimizin təntənə ilə qeyd olunması, qədim mədəniyyət paytaxtımız Şuşada «Xarıbülbül» musiqi festivalının, Vaqif Poeziya Günlərinin keçirilməsi, cəmi 8 ayda Füzuli Beynəlxalq Hava Limanın istifadəyə verilməsi, işğaldan azad olunan ərazilərdə aparılan bərpa- quruculuq işlərinin sürətlənməsi, yol, nəqliyyat, enerji infrastrukturlarının geniş miqyasda həyata keçirilməsi, ermənilər tərəfindən dağıdılmış məscidlərin, müxtəlif icmalara məxsus dini abidələrin bərpa və təmiri , ən əsası isə paytaxtımızda Hərbi Qənimtələr Parkının yaradılması işğalçı Ermənistana zərbədir. Bu uğurlar Prezident, Ali Baş Komandan, siyasi əzmi, qətiyyəti ilə xalqımızı bir məqsəd naminə birləşdirən İlham Əliyevin rəhbərliyi ilə qazanılmışdır. Üçrəngli bayrağımız, YAP ətrafında birləşən insanlar «Dəmir yumruq» əməliyyatında da birlik, həmrəylik nümayiş etdirdilər.
29 illilk yubileyini belə uğurlarla qarşılayan YAP- ölkəmizin ən böyük siyasi təşkilatı olduğunu sıralarının artması, üzvlərinin qətiyyəti, siyasi hazırlığı da təsdiqləir. Bütün siyasi kampaniyalarda ölkə vətəndaşlarının etimadını qazanan partiyamız avanqard siyasi qüvvə kimi öndərliyini davam etdirəcək, xalqla birliyini məqsədyönlü fəaliyyəti və inamlı addımları ilə bildirəcək.