Xəbərlər
YAP Lənkəran rayon təşkilatının rəhbərliyi və fəalları şəhid məzarlarını ziyarət ediblər
Sentyabrın 27-də ölkəmizin bütün bölgələrində olduğu kimi, cənub bölgəsində də Vətən müharibəsi şəhidlərinin xatirəsi ehtiramla anılıb.
Saat 12:00-da bölgənin bütün rayon və kəndlərində şəhidlərin xatirəsi bir dəqiqəlik sükutla yad olunub. Dövlət bayraqları endirilib, nəqliyyatın hərəkəti dayanıb, avtomobillərdən və qatarlardan səs siqnalları verilib.
Anım Günü ilə bağlı Yeni Azərbaycan Partiyası (YAP) Lənkəran rayon təşkilatının fəalları, gənclər, müəssisə təşkilatlarının nümayəndələri Şəhidlər xiyabanını, şəhid məzarlıqlarını ziyarət ediblər.
Daha sonra şəhidlərin əziz xatirəsinə ağacəkmə kampaniyası keçirilib.
Həmçinin təhsil müəssisələrində şəhidlərimizin qəhrəmanlığı, Orudumuzun yenilməzliyi haqqında, vətənpərvərlik mövzusunda dərslər keçirilib.
