Xəbərlər
Türkiyədən gətirilən texnikalar qısa müddətdə minatəmizləmə işlərinə cəlb olunacaq
Prezident, Müzəffər Ali Baş Komandanın göstərişinə əsasən, Türkiyədən 20 ədəd mexaniki minatəmizləmə texnikası alınıb. Hazırda həmin texnikanın növbəti partiyası Türkiyədən ölkəmizə gətirilib.
Bunu Müdafiə Nazirliyinin Mühəndis Qoşunları İdarəsinin rəisi, general-mayor Anar Kərimov mayın 25-də jurnalistlərə açıqlamasında deyib.
General-mayor Anar Kərimov bildirib ki, bununla bağlı təkrar kurslar təşkil olunub. Əvvəlki partiyada gətirilən texnikalar işğaldan azad olunmuş ərazilərdə minaların təmizlənməsi işinə cəlb edilib. Bu texnikalar da qısa müddətdə minatəmizləmə işlərinə cəlb olunacaq.