Xəbərlər
Ötən ay Dövlət Neft Şirkəti 11 min metrdən çox qazma işi görüb
Cari ilin noyabrında Azərbaycan Respublikası Dövlət Neft Şirkəti (ARDNŞ) (Müştərək Müəssisələr və Əməliyyat Şirkətləri istisna olmaqla) 11 min 389 metr qazma işi həyata keçirib.
ARDNŞ-in mətbuat xidmətindən bildirilib ki, qazma işlərin 11 min 32 metri istismara, 357 metri isə kəşfiyyata aid olub. Ümumiyyətlə, bu ilin yanvar-noyabr aylarında ARDNŞ üzrə (Müştərək Müəssisələr və Əməliyyat Şirkətləri istisna olmaqla) 118 min 840 metr qazma işi görülüb ki, bunun da 116 min 656 metri istismara, 2 min 184 metri isə kəşfiyyata aiddir.