Xəbərlər
Nəsiminin 650 illik yubileyi ilə əlaqədar Hindistan universitetində konsert təşkil olunub
Hindistanın Aqra şəhərindəki Kendriya Hindi Sansthan Universitetində “Nəsimi ili” çərçivəsində konsert proqramı təqdim olunub. Konsert ölkəmizin Hindistandakı səfirliyinin təşkilatçılığı ilə reallaşıb.
Səfirlikdən bildirilib ki, əvvəlcə tədbir iştirakçılarına Nəsiminin həyat və yaradıcılığı haqqında geniş məlumat verilib. Sonra universitetdə təhsil alan Azərbaycan və digər türkdilli ölkələrdən olan tələbələr tərəfindən müxtəlif mahnı və rəqslərin yer aldığı konsert proqramı təqdim edilib.
Universitetin rektoru Nand Kişor Pandey, ali təhsil ocağının müəllim və tələbə heyətinin izlədiyi konsert maraqla qarşılanıb.