Xəbərlər
Kamilə Əliyeva: Ölkəmizdə təhsilin inkişafı istiqamətində mühüm addımlar atılıb
«Prezident İlham Əliyevin həyata keçirdiyi siyasət nəticəsində təhsil sahəsində uğurlu islahatlar aparılır». Bu fikri yap.org.az saytına Milli Məclisin deputatı Kamilə Əliyeva deyib.
K.Əliyeva bildirib ki, son illərdə ölkədə təhsilin inkişafı istiqamətində mühüm addımlar atılıb. Onun sözlərinə görə, təhsilin normativ hüquqi bazası təkmilləşdirilib, maddi-texniki təminatı istiqamətində Azərbaycan Respublikası Prezidentinin sərəncamları əsasında geniş tədbirlər həyata keçirilib.
«Təhsil müəssisələrində informasiya-kommunikasiya texnologiyalarının tətbiqi əhəmiyyətli dərəcədə genişlənib. Milli təhsilimizin dünya ölkələri təhsilinə inteqrasiyası çox böyük sürətlə həyata keçirilir. Dövlətin strateji sahələrindən biri olan təhsilimiz ümumbəşəri və milli dəyərlərimiz əsasında formalaşmaqdadır. XXI əsr Azərbaycanın təhsil tarixində islahatlar əsri kimi yadda qalacaq»- deyə, deputat vurğulayıb.