Xəbərlər
Əli Əhmədov: Qadın sahibkarlığının inkişafı bütövlükdə cəmiyyətin inkişafına müsbət təsir göstərir
Qadınların hüquqlarının qorunması onların iqtisadi müstəqilliyi ilə birbaşa bağlıdır. Bu baxımdan qadın sahibkarlığının inkişafı böyük əhəmiyyət kəsb edir və olduqca aktual mövzudur.
Bu fikirləri Bakıda keçirilən “Qadın sahibkarlığının inkişafı: problemlər və perspektivlər” mövzusunda beynəlxalq konfransda Azərbaycanın Baş nazirinin müavini Əli Əhmədov bildirib.
Baş nazirin müavini qeyd edib ki, qadınlar arasında sahibkarlığın inkişafı ümumilikdə cəmiyyətin inkişafına müsbət təsir göstərir. Azərbaycanda qadın sahibkarlığının inkişafı üçün lazımi şərait yaradılıb, əlverişli hüquqi baza mövcuddur. Ölkəmizdə qadınlar arasında sahibkarlığa meyillilik çoxalır. Təsadüfi deyil ki, son iki ildə Azərbaycanda sahibkar qadınların sayı iki dəfə artıb.