Xəbərlər
Silahlı Qüvvələrimizin nümayəndələri beynəlxalq tədbirlərdə iştirak edirlər
Azərbaycan Silahlı Qüvvələrinin nümayəndələri iyunun 6-dan etibarən bir sıra ölkələrdə beynəlxalq tədbirlərdə iştirak edəcəklər.
Müdafiə Nazirliyinin mətbuat xidmətindən bildiriblər ki, hərbi qulluqçularımız iyunun 10-dək Tbilisidə mobil təlim qrupunun əsas əlaqələndirici zabitləri üçün “NATO-da informasiya və psixoloji əməliyyatlar” mövzusunda, eləcə də “Şərq Tərəfdaşlığı” proqramının iştirakçısı olan dövlətlər üçün ümumi təhlükəsizlik və müdafiə siyasəti üzrə tanışlıq kurslarına qatılacaqlar. Eyni zamanda, hərbçilərimiz ABŞ-ın Kanzas ştatında “Saber Guardian 2016” təliminə hazırlıq tədbirində, Almaniyanın Oberammerqau şəhərində döyüş hazırlığı qiymətləndirmə, iyunun 24-dək Pakistanın Kəraçi şəhərində standart əməliyyat taktikası kurslarında iştirak edəcəklər.