Xəbərlər
Ayalev Vorkneh: Azərbaycan bütün dünya ölkələri üçün yaxşı nümunədir
Azərbaycan bütün dünya ölkələri üçün yaxşı nümunədir.
Bu sözləri AZƏRTAC-a müsahibəsində “İnklüziv cəmiyyətlərdə birgəyaşayış: çağırış və məqsəd” şüarı altında keçirilən BMT-nin Sivilizasiyalar Alyansının VII Qlobal Bakı Forumunun iştirakçısı Efiopiya təmsilçisi Ayalev Vorkneh söyləyib.
A.Vorkneh bildirib ki, Azərbaycan bu cür forumlara ev sahibliyi etməklə dünyada birgəyaşayışın təşviq olunmasına mühüm töhfə verir.
Qonaq deyib: “Azərbaycan elə bir ölkədir ki, burada bütün dinlərin nümayəndələri birgə işləyir və sülh şəraitində yaşayırlar. Bu baxımdan Bakı sivilizasiyalararası və mədəniyyətlərarası forumların keçirilməsi üçün ideal məkanlardandır".