Xəbərlər
Yunanıstanda pensiya islahatlarına qarşı etiraz aksiyaları başlayıb
Yunanıstanda Baş nazirin iqamətgahı qarşısında yeni pensiya islahatlarına qarşı etiraz aksiyası keçirilib. Aksiyada 2 mindən artıq insan iştirak edib. Aksiya iştirakçıları iqamətgaha daxil olmaq istədikləri zaman hüquq mühafizə orqanların əməkdaşları ilə qarşıdurma baş verib. Qeyd etmək lazımdır ki, aksiyanın təşkilatçısı Ümumyunanıstan döyüş cəbhəsinin kommunist həmkarlar ittifaqı olub. Yeni pensiya islahatlarına əsasən, ölkə üzrə təqaüdlərin xeyli miqdarda aşağı salınması, məcburi dövlət sosial siğorta ödənişlərin yüksəlməsi və vahid sosial müdafiə fondunun yaradılması nəzərdə tutulur.