Xəbərlər
Biləsuvarda seçicilərlə görüşlər davam edir
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 31-də “qapı-qapı” seçki texnologiyasına uyğun olaraq Biləsuvar şəhərində şəhid ailələri və sakinlərlə fərdi görüşlər keçirilib.
Görüşdə YAP Biləsuvar rayon təşkilatının sədr müavini Aqşin Qasımov, şəhid anası Ayna Tağıyeva, təşviqat qrupunun üzvləri Zakir Şahbazov, Qənbərəli Bağırov və Nailə Mehdiyeva çıxış ediblər. Təşviqat qrupunun üzvləri seçiciləri 7 fevral prezident seçkilərində Yeni Azərbaycan Partiyasının namizədi cənab İlham Əliyevə səs verməyə çağırıblar.
Seçicilər isə bildiriblər ki, Azərbaycanı sevən hər bir vətəndaşın tərəddüdsüz seçimi qalib Lider İlham Əliyevdir.
