Xəbərlər
“Yeni qələbələrin reallaşmasına səs verək”
Tovuz rayonunda seçicilərlə görüş keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində Tovuz rayonunun Kirən, Dondar Quşçu və Aşağı Quşçu kəndlərində seçicilərlə görüş keçirilib.
Görüşlərdə YAP Tovuz rayon təşkilatının sədri Nihad Pənahov, təşviqat qrupunun üzvləri İlqar Kərimov, İsmayıl Hüseynov və Sabir İsmayılov çıxış ediblər. Çıxış edənlər ötən 20 il ərzində Azərbaycan istər siyasi, istər iqtisadi, istərsə də beynəlxalq sahələrdə böyük nailiyyətlər qazandığını, qazanılan uğurlar Azərbaycanın beynəlxalq aləmdə mövqeyinin əhəmiyyətli dərəcədə gücləndiyini bildiriblər.
Natiqlər seçiciləri 7 fevral prezident seçkilərində fəal iştirak etməyə və qalib xalqın qalib lideri olan Yeni Azərbaycan Partiyasının namizədi cənab İlham Əliyevə səs verməyə çağırıblar.