Xəbərlər
Azərbaycanın uğur rəmzi
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 27-da Lerik rayonunun Qosmalian, Mistan və Kələxan kəndlərində yaşayan seçicilərlə görüşlər keçirilib.
Əvvəlcə Ulu Öndər Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərin əziz xatirəsi bir dəqiqəlik sükutla yad edilib.
Görüşdə YAP Lerik rayon təşkilatının sədri Malik Mirzəyev, təşviqat qrupunun Elxan Qənbərov, Gültəkin Şıxəliyeva, Veysəl Məlikov və Elxan Əliyev çıxış ediblər. Natiqlər müstəqil Azərbaycanın məhz cənab İlham Əliyevin rəhbərliyi ilə ciddi nailiyyətlər əldə etməsindən, son 20 ildə ölkəmizin qlobal miqyasda artan nüfuzundan bəhs ediblər.
Çıxış edənlər seçiciləri fevralın 7-də Ümummilli Lider Heydər Əliyev siyasi kursunun layiqli davamçısı cənab İlham Əliyevə səs verməyə çağırıblar.
Qeyd edək ki, YAP Lerik rayon təşkilatının sədr müavini Elnur Məmmədov, təşviqat qrupunun üzvləri Gültəkin Şıxəliyeva və Elxan Əliyev seçicilərlə fərdi görüşlər də keçiriblər.