Xəbərlər
Seçim dəyişməzdir!
Şabran rayonunda seçicilərlə görüş keçirilib
2024-cü il fevralın 7-də ölkəmizdə keçiriəcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 26-da Şabran rayonunun Rəhimli, Padar və Bor-Bor kəndlərində seçicilərlə görüş keçirilib.
Görüşdə YAP Şabran rayon təşkilatının sədri Mehdi Balabəyov, təşviqat qrupunun üzvləri Seymur Qədəşov və Çingiz Məmmədov çıxış ediblər.
Çıxışlarda qeyd olunub ki, xalqımızın Ümummilli Lideri Heydər Əliyev tərəfindən əsası qoyulan və bu gün Prezident, Yeni Azərbaycan Partiyasının Sədri İlham Əliyevin rəhbərliyi ilə son 20 ildə bütün sahələrdə dinamik inkişafa nail olunub, insanların rifah halı daha da yaxşılaşıb və bu istiqamətdə ardıcıl islahatlar davamlı olaraq həyata keçirilməkdədir. Cənab İlham Əliyevin rəhbərliyi ilə müstəqil dövlətimiz üçün gələcək hədəflərin reallaşması müstəsna əhəmiyyət kəsb edir.
Seçicilər də yeni zəfərlər üçün qalib Liderə səs verəcəklərini deyiblər.
